ಹರೆಯದ ಪ್ರವಾಸ [ ಕಾಲೇಜ್ ಟ್ರಿಪ್ 2016 ]

ಕುಣಿಯುತ ನಲಿಯುತ ಹೊರಟಿತು ಈ ಪಯಣ
ಬಾಳ ಬುತ್ತಿಯ ನೆನಪುಗಳ ಕಟ್ಟಿ ನಮ್ಮ ತನಯ.......

ಸಾಗಿತು ದಾರಿ ಮೊದಲು ತಿಲಕವ ಇಟ್ಟು
ಕಾಯುತ್ತಿತ್ತು ನಮ್ಮ ಬರುವಿಕೆಗೆ ರಂಗನತಿಟ್ಟು 
ನೋಡ ಬಂದೇವು ಪಟ್ಟಣದಲ್ಲಿನ ಶ್ರೀರಮಣ
ರಂಗನಾಥನ ವೈಭವದ ಶ್ರೀರಂಗಪಟ್ಟಣ...

ಮಲ್ಲಿಗೆಯ ನಾಡು ಕದಂಬರ ತವರೂರು
ನಮ್ಮ ಪ್ರವಾಸ ಬಂದು ಸೇರಿತು ಮೈಸೂರು
ಅರಮನೆಯ ಅಂದ ಬೃಂದಾವನದ ಚಂದ
ನಲಿಸಿತು ನಮ್ಮಲ್ಲಿ ಬೆಸೆದು ದಿವ್ಯ ಬಂಧ.....

ಮರುದಿನ ಪಡೆದು ಚಾಮುಂಡಿಯ ದರ್ಶನ
ತಾಯಿಯಲಿ ನಮ್ಮ ಬೇಡಿಕೆಗಳ ನಮನ
ತಣಿಸಿತು ಎಲ್ಲರ ಭರಚುಕ್ಕಿ ಜಲಾಶಯ
ತಲಕಾವೇರಿಯಲಿ ತೀರಿತು ನಮ್ಮ ಆಶಯ....

ನೋಡ ಹೋದೆವು ಅನ್ಯದೇಶಿಯರ ಸಂಸ್ಕ್ರತಿ
ನೆನಪಾದಳು ಎಲ್ಲರಿಗೂ ನೆಲೆ ನೀಡಿದ ಜಯಭಾರತಿ
ಕಣ್-್ಣತಣಿಸಿತು ಮನ-ಉಣಿಸಿತು ಕಾವೇರಿಯ ನಿಸರ್ಗಧಾಮ
ರಾಜಾಸೇಟ್‍ನಲ್ಲಿ ಸೂರ್ಯಾಸ್ತಮದ ದೃಶ್ಯಾಗಮ.....
ಮೂರನೆ ದಿನಾರಂಭ ನೋಡುತ ಜಲಾಶಯ
ತಿಳಿಸುತ ಪ್ರಕೃತಿಗೆ ಅಭಿಮಾನದ ಶುಭಾಶಯ
ಮಲ್ಪೆಯಲಿ ಸಂತೋಷದಲೆಗಳ ಅಬ್ಬರ
ಮನಿಪಾಲ ಸಂಗ್ರಹಾಲಯ ಮಾಡಿತು ನಮ್ಮ ಮಬ್ಬರ....

ಉಪ್ಪಿನ ಬಿಸಿ ಮುಟ್ಟಿಸಿತು ಉಡುಪಿ
ಕೃಷ್ಣನ ದರ್ಶನದಿಂದ ಪಾವನ ಪ್ರತಿ ಪಾಪಿ
ನಮ್ಮೆಲ್ಲರ ಭೂಕೈಲಾಸ ಮುರುಡೇಶ್ವರ
ಇಡಗುಂಜಿಯಲಿ ಕಂಡೆವು ವಿಘ್ನೇಶ್ವರ.......

ಮೊದಲ ಅನುಭವಗಳ ಕದತಟ್ಟಿ
ಎಲ್ಲ ಭಯಗಳ ಒಂದೆಡೆ ಮೂಲೆಕಟ್ಟಿ
ಬಸ್‍ನಲ್ಲಿ ಧೀರ್ಘಪಯಣ, ರಾತ್ರಿಯ ಬಯಲು ನಿದ್ದೆ
ಮನದ ಕೋಣೆಯಲಿ ಅನಿಸಿತು ನಾನಿಂದು ಗೆದ್ದೆ......

ಹರೆಯದ ಸವಿನೆನಪುಗಳ ಸಂಗಮ
ಹುಚ್ಚುಮನಸಿನಲಿ ಭಾವದಾಗಮ
ಪಯಣದಲಿ ಸವಿದೆವು ನಾವೆಲ್ಲ ಸಿಹಿ ಮಕರಂದ
ಅಮರವಾಗಿರಲಿ ಗೆಳತಿಯರೆ ನಮ್ಮೆಲ್ಲರ ಸ್ನೇಹಬಂಧ......
-
                                                                          - ಸುನಿತಾ.