ಆಗಮ - ಪ್ರೀತಿ - ಅಂತಿಮ

ಪ್ರೀತಿ ಆಗಮ
-------------------------

ಹುಡುಗ ಹೇಳಿದ ಚೆಲುವೆ ನಿನ್ನ ಕಣ್ಣು
ಮುಕ್ಕಿಸುವುದು ಎಲ್ಲ ಹುಡುಗರಿಗೆ ಮಣ್ಣು
ನೋಡಲು ಅದೆಷ್ಟು ಚ0ದ ನಿನ್ನ ಮುಖ
ಪೂರ್ಣ ಚ0ದಿರನು ಆಗುವನು ನಿನ್ನ ಸಖ

ಹುಡಿಗಿ ಹೇಳಿದಳು ಹುಡುಗನೆ ನಿನ್ನ ನಗೆ
ಮರೆಸುವುದು ನನ್ನಲಿರುವ ದು:ಖದ ಬಗೆ
ಸೋತೆ ನಾ ನಿನ್ನ ಸುಂದರ ಚೆಲುವಿಗೆ
ಕೋಟಿಕೊಟ್ಟರು ಸಾಲದು ನಿನ್ನ ಒಲವಿಗೆ

ಹುಡುಗನೆಂದ ಹುಡುಗಿ ನೀ ನನ್ನ ಜೀವ
ತುಂಬಿದೆ ನನ್ನಲಿ ನಿನ್ನ ಪ್ರೀತಿಯ ಭಾವ
ಹೇಗೆ ಮರೆಯಲಿ ನಾ ನೀ ತುಂಬಿದ ಪ್ರೀತಿ
ನೀ ನನ್ನೊಳಗಿರುವ  ದೇವತಾ ಮೂರ್ತಿ

ಹುಡುಗಿ ಎಂದಳು ಹುಡುಗನೆ ನೀ ನನ್ನ ಪ್ರಾಣ
ಹೊಂದೋಣ ಇಬ್ಬರು ಅಮರ ಪ್ರೀತಿಯ ಮರಣ
ಎಲ್ಲೆಡೆ ತುಂಬಿದೆ ಈ ಪ್ರೀತಿ ಜಗವ
ತಿಳಿಸೋಣ ನಿಜಪ್ರೀತಿಯ ಸಂದೇಶವ

ಪ್ರೀತಿ ಅಂತಿಮ
---------------------

ಹುಡುಗನೆಂದ ಹುಡುಗಿಗೆ ನೀ ತುಂಬ ದಪ್ಪ
ನಿನ್ನ ಕಂಡರೆ ಬೈಯುವರು ನನ್ನ ಅಪ್ಪ
ಆ ಗುಬ್ಬಿಗೂಡಿನಂತ ನಿನ್ನ ಕೂದಲು
ಮರೆಸುತಿದೆ ನನ್ನ ನಿನ್ನ ಕಡೆ ಬರಲು

ಹುಡುಗಿ ಎಂದಳು ಹುಡುಗ ನೀ ತುಂಬ ಕಪ್ಪು
ಕೆಲವೊಮ್ಮೆ ಅನಿಸುತಿದೆ ನಿನ್ನಾವರಿಸಿದೆ ಮುಪ್ಪು
ನಾ ತಿಳಿದಿದ್ದೆ ನಿನ್ನನ್ನು ವೀರ ಗಂಡುಗಲಿ
ಬಂದರೆ ಹೆದರಿ ಓಡುವೆ ಸಣ್ಣ ಇಲಿ

ಹುಡಗನೆಂದ ಹುಡುಗಿಗೆ ನೀ ತುಂಬ ಚಿಕ್ಕ
ನಾ ಸರಿಹೊಗುವುದಿಲ್ಲ ನಿನ್ನ ಪಕ್ಕ
ಮಿತಿ ಮೀರಿದೆ ನಿನ್ನ ಆ ನಡುಗೆ
ನಿನ್ನ ಹೊಡೆಯಲು ಬೇಕೆನಿಸುತಿದೆ ಬಡಿಗೆ

ಹುಡುಗಿಯೆಂದಳು ನಿನೇನು ಸುರಸುಂದರಾಂಗ
ನಿನ್ನ ನೋಡಿ ಕಾಗೆ ತೆಗೆಯುವುದು ತನ್ನ ರಾಗ
ಸಾಕು ನಿನಗೆ ಕೊಟ್ಟರೆ ಒಂದು ಕೋಟಿ
ಓಡಿ ಬಿಡುವೆ ನನ್ನ ಹೃದಯವ ಮೀಟಿ
                                                      - ಸುನಿತಾ.