ಕೂಲಿ-ಕಾರ್ಮಿಕ

ಹೊಟ್ಟೆಪಾಡಿಗಾಗಿ ಮಾಡುವನೀತ ಹೋರಾಟ

ಮನೆಯವರ ಹೊರೆಹೊತ್ತ ರಕ್ಷಕ

ಸರಳ ಜೀವನದ ಸುಂದರ ಹೊರನೋಟ 

ಮನದಾಳದಲಿ ವ್ಯಥೆ ಪಡುವ ಕಾರ್ಮಿಕ…..

ಮನಸ್ಸಲಿ ಬಚ್ಚಿಟ್ಟು ಸಾವಿರಾರು ಆಸೆ

ದುಡಿಯುವನೀತ ಸಮಯವ ಮರೆತು

ಉಟ್ಟ ಬಟ್ಟೆಯ ಹರಿದ ಆ ಸಣ್ಣ ಕಿಸೆ

ಇಣುಕಿ ನೋಡುತ್ತಿದೆ ಮಣ್ಣಿನ ಸಂಗವ ಬೆರೆತು…..

ದಿನಗೂಲಿಗಾಗಿ ಪಡುವ ತಾಳಲಾಗದ ಕಷ್ಟ

ನಿದ್ದೆಗೆಟ್ಟು,ಊಟ ಬಿಟ್ಟು ದುಡಿಯುವ ನಾಸ್ತಿಕ

ಮರೆತು ಬಿಟ್ಟಿದ್ದಾನೆ ತನ್ನೆಲ್ಲ ಇಷ್ಟ

ಜಗದ ಗರಿಮೆಗೆ ಪಾತ್ರ ಈ ಕೂಲಿ-ಕಾರ್ಮಿಕ……

•                                                              - ಸುನಿತಾ