ವೈದ್ಯ

ದೈಹಿಕವಾಗಿ ಈ ಶರೀರ ಇನ್ನಿಲ್ಲದಂತೆ ಸೋತು
ಕೊಟ್ಟಿದೆ ರೋಗಾಣುಗಳ ಜೊತೆ ಸಾಥು
ದೇಹದಲಿ ರೋಗ-ರುಜುನೆಗಳ ಅಟ್ಟಹಾಸ
ಮನುಷ್ಯನಿಂದ ದೂರವಾಗಿದೆ ಮಂದಹಾಸ

ಅಟ್ಟಹಾಸವ ಸೆದೆಬಡಿಯಲು ಬಂದ ವೈದ್ಯ
ತಿನ್ನಿಸಿದ ರೋಗಿಗೆ ಔಷಧದ ಖಾದ್ಯ
ಕೆಲವೊಮ್ಮೆ ಆಗಿಬಿಡುವನು ಯಮನ ವೈರಿ
ಕಾಳಗದಲಿ ಗೆದ್ದುಬರುವ ರೋಗಿಯ ಜೀವ ಕೋರಿ

ರೋಗಿಗಳ ಜೀವಕೆ ತನ್ನ ಜೀವ ಮುಡಿಪುಮಾಡಿ
ಮಾಡುತಿಹನು ಜಗದೆಲ್ಲೆಡೆ ಜಗಸೋಜಿಗ ಮೋಡಿ
ವಿಶ್ವದ ಮೂಲೆ ಮೂಲೆಯಲಿ ಅಗತ್ಯ ಇತನ ಪರಿ
ಜಪಿಸೋಣ ಸದಾ ವೈದ್ಯೋ ನಾರಾಯಣೋ ಹರಿ
                                                              - ಸುನಿತಾ