ಬಯಸಿ ನಿನ್ನ ಸ್ನೇಹ

ನಿನ್ನ ಸ್ನೇಹವ ಬಯಸಿ ಬರುತಿದೆ ಈ ಜೀವ
ಜೀವದಾಳದಲಿ ನಿನ್ನೊಲುಮೆಯ ಹೊಸ ಭಾವ…………
ಮೊಗ್ಗುತಾವರೆ ನಾ,ನೀ ಸೂರ್ಯಕಿರಣವಾಗು ಬಾ
ಸೂಸುವೆ ನಿನ್ನ ಸ್ಪರ್ಷದಲಿ ಮೆಲ್ಲುವ ಸೌರಭವಾ
ಕೆರೆತೊರೆದು ದೇವರಪೂಜೆಗೆ ನಾನಾಗ ಬೇಕು ಅಣಿ
ಕಾಯುತಿರುವೆ ಬೇಕಾಗಿ ನಿನ್ನ ಚೇತನದ ಸವಿಪನಿ……
ಔತಣವಿಲ್ಲದ ಜಾಗದಲಿ ನಡೆಯುತಿರುವೆ ನಾಒಂಟಿ
ಜೊತೆನಡೆ ಕಿತ್ತು ನನ್ನ ಸುತ್ತಮುತ್ತಲಿನ ಮುಳ್ಳುಕಂಟಿ
ನಿಶ್ಶಬ್ದ ಜಗದಲಿ ಕೇಳಲಿ ನಿನ್ನ ಚೇತನದ ಕೂಗು
ಆ ಚೇತನದ ಬೆಳಕಲಿ ಸದಾ ನನ್ನ ಜೊತೆ ಸಾಗು…….
ಕಪ್ಪು-ಬಿಳುಪಿನ ಚದುರಂಗದಾಟದಲಿ ನಾ ಕಾಲಾಳು
ಯೋಚಿಸಿ ನಡೆಸು ನೀ ನನ್ನ ತಿಳಿದು ಆಟದ ತಿರುಳು
ಸಹಿಸಲಾರೆ ನಾ ನಿನ್ನ ಒಂದುಘಳಿಗೆಯ ಮರೆಯ
ನೇಹದ ನೆಪದಲಿ ಬಯಸುತಿರುವೆ ನಿನ್ನಾಸರೆಯ……
                                                                   
                                                                     - ಸುನಿತಾ.