ದಿನಾರಂಭ

ಮಲಗಿದ ಸೂರ್ಯನೆದ್ದು  ಕಣ್ತೆರೆದು ನೋಡಲು
ಬಾಗಿದ ಹೂ-ಬಳ್ಳಿ  ನಸುನಾಚಿ ತಲೆಯತ್ತಲು
ಬಾನಂಗಳದಿ ಹೊಸದೊಂದು ಛಾಯೆ ಮೂಡಲು
ಹಕ್ಕಿಯ ಕಲರವ ಸುತ್ತ ಸುಪ್ರಭಾತ ಹಾಡಲು……

ಮಂಜಿನ ಆ ಹನಿ ಎಲೆಯ ಮೇಲೆ ಹೊಳೆಯುತಿರಲು
ಹೊಳೆಯ ನೀರು ಝರಿಯಾಗಿ ಜಿನುಗುತಿರಲು
ಸೂರ್ಯನ ಕಿರಣಗಳು ಧರೆಯ ಸ್ಪರ್ಶಿಸಲು
ಭೂಮಿ ತನ್ನ ನೂತನ ದಿನದ ಅನುಭವ ಆರಂಭಿಸಲು…….

ಕಿರಣಗಳ ತೀಕ್ಷಣತೆಗೆ ಸಾಗರದ ಅಲೆ ದಂಡೆಯ ಅಪ್ಪಳಿಸಲು
ಪ್ರಶಾಂತ ಮನದಾಳದಲಿ ಆನಂದಪತಂಗ ಹಾರುತಿರಲು
ಮೊಗದಲಿ ಸುಂದರ ಮಂದಹಾಸ ಮೂಡುತಿರಲು
ಮನ ಹಿಂದಿನ ದಿನಾನುಭವದ ಮೆಲಕು ಹಾಕಲು……….
                                                                             - ಸುನಿತಾ