ನನ್ನಪ್ಪಾಜಿ

ದಣಿವರಿಯದ ದಣಿ ನೀ ಧನಪಾಲಕ

ಆಡಂಭರ ಜೀವನ ತೊರೆದು, ಸರಳ ಜೀವನದಾಯಕ

ಸದಾ ಚಿಲುಮೆಯ ಬುಗ್ಗೆ ನಿನ್ನಲಿ ಹಸನ್ಮುಖ

ನೀ ಬೇಡುವರ ಪಾಲಿಗೆ ನಿತ್ಯ ಫಲದಾಯಕ……

ಕಲಿವ ಮಕ್ಕಳ ಆಸಕ್ತಿ  ನೋಡಿ ನೀ ಹಿಗ್ಗುವೆ

ದಲಿತರ ಕಂಡರೆ ತುಂಬು ಹೃದಯದಿ ಕುಗ್ಗುವೆ

ಕೆಲಸದ ಗದ್ದಲಲಿ ಮರೆಮಾಚುವುದು ನಿನ್ನ ಹಸಿವೆ

ನಿನ್ನೆದೆಯಾಳ ಪ್ರೀತಿಯ ಮಹಾ ಸಾಗರವೆ

ಬಲು ನಿಖರ ನೀ ನಡೆಸುವ ವ್ಯವಹಾರ

ತಲೆಬಾಗುವನು ನಿನ್ನ ಜಾಣತನಕೆ ಭ್ರಷ್ಟ ಬಂಡಕೋರ

ಮೈಗಂಟಿದ ಕವಚ ನಿನ್ನಲಿ ಆಚಾರ ವಿಚಾರ

ನೀ ನಯವಿನಯದಲಿ ದೊಡ್ಡ ಸಾಹುಕಾರ…

ಸಿರಿಯ ನಗರಿಯಲಿ ತೆಳೆದೆ ಬಡ ಜೀವನ

ನಿನ್ನಾದರ್ಶಗಳು ನಮ್ಮ ಬಾಳಿಗೆ ಸಂಜೀವನ

ನೀ ರಚಿಸಿದೆ ನಮಗಾಗಿ ಬಾಳಬಂಡಿಹೂಡುವ ಕವನ

ನಿನ್ನ ನೆರಳಲಿ ನಮ್ಮ ಜೀವನ ಸದಾ ಪಾವನ…..