ಮಾನವ

ಕಾಣದ ದೇವರಿಗೆ ಕೈಮುಗಿವ ಜನ
ಕಾಣುವ ಸಹ ಜೀವಿಯ ದೂಡುವರು
ಅಂತರಾಳದ ನಿಜಮಾತ ಕೇಳದೆ
ತಮಗೆ ತಿಳಿಯದೆ ಮನಸ್ಸಿಗರಿಯಾಗುವರು…..

ಆಶಿಸದೆ ಬಂದ ಪ್ರವಾಹಗಳಿಗೆ ಭಯಭೀತರಾಗಿ
ದೇವರ ನಿಂದನೆ ಮಾಡುವ ಈ ಜನ
ಒಳಿತಾದೊಡನೆ ಸಂತಸದ ಶರದಲ್ಲಿ ಮುಳುಗಿ
ಎಲ್ಲದಕು ಕಾರಣನಾದ ಸೃಷ್ಟಿಕರ್ತನನ್ನೇ ಮರೆಯುವರು…..

ಸಾಗರದಾಳದಲಿ ಮುತ್ತೊಂದು ಚಿಪ್ಪಿನಲಿ ಅವಿತಿರುವಂತೆ
ಸದೃಢಶಾರೀರದ ಒಡಲಿನಲಿ ಮನಸ್ಸೆಂಬದೇವನವಿತುರುವ
ಮನದ ಜಾಣ್ಮೆಯಮಾತ ಕೇಳಿ ನಡೆವ ಮಾನವ
ಎನಿಸಿಕೊಳ್ಳುವ ಎಲ್ಲರ ಬಾಯಲಿ  ಸಾರ್ವಭೌಮ……
•                                                            - ಸುನಿತಾ