ಓಕಳಿ

ಕೆಂಪು,ಹಸಿರು,ನೀಲಿ,ಬಿಳಿ,ಕಪ್ಪು,ಹಳದಿ
ತುಂಬುತಿದೆ ವಿಭಿನ್ನ ಬಣ್ಣಗಳ ಮನದಿ
ಹರಡುತಿದೆ ಎಲ್ಲೆಡೆ ಬಣ್ಣದ ರಂಗು
ಈ ಬಣ್ಣದ ನಿಶೆಯಲೆರಿದೆ ಖುಷಿಯ ಗುಂಗು

ಮನತಣಿಸುತಿದೆ ಈ ರಂಗೀನ ಓಕಳಿ
ಬೆಸೆಯುತಿದೆ ಭೇದವಿಲ್ಲದ ಸರಪಳಿ
ಮರೆಯಾಗುತಿರೆ ಮನಕಂಡ ಆತಂಕ
ಮೂಡುತಿದೆ ಆನಂದದ ನಿರಾತಂಕ

ಹೃದಯದಾಳದಲಿ ತೇಲುತಿದೆ ಭಾವದಲೆ
ಓಡಾಡುತಿದೆ ಸಿಗದೆ ಸ್ಥಿರವಾದ ನೆಲೆ
ಮನದಂಗಳದಿ ಚೆಲ್ಲಿದೆ ಆಸೆಯ ರಂಗವಲ್ಲಿ
ಮೊಗತೋಟದಿ ಹಬ್ಬಿದೆ ನಗುವಿವ ಸುಂದರವಲ್ಲಿ
                                                               - ಸುನಿತಾ.