ಸ್ನೇಹದ ದಾಹ…..

ನೋವಿನ ಬೇಗೆಯಲಿ ಬೆಂದ ಜೀವಕೆ
ಸಂತಸದ ತಂಪು ನೀಡಿತೆನಗೆ ಸ್ನೇಹ
ಒಳಗೊಂದಲಗಳಿಗೆ ಬೆಸತ್ತ ಈ ಮನಸ್ಸಿಗೆ
ಸ್ನೇಹ ನೀಡಿತು ಅಭಿಮಾನದ ದಾಹ…..

ಒಂಟಿತನದ ಸೆರೆಯಲಿ ಬಂಧಿಯಾದ ನನಗೆ
ಸ್ನೇಹ ನೀಡಿತು ಸ್ವತಂತ್ರದ ಹೊಸ ಭಾವ
ನಾಂದಿ ಹಾಡಿತು ಸಾವಿರ ಮನಗೊಂದಲಗಳಿಗೆ
ಕೊಟ್ಟಿತು ಮನಸ್ಸಿಗೆ ಬೆಚ್ಚಗಿನ ಕಾವ….

ಮೂಡಲೆಲ್ಲರಲಿ ಗೆಳೆತನದ ಸೂರ್ಯ
ಕಳೆದುಹೋಗಲಿ ಶತ್ರುತ್ವದ ಅಂಧಕಾರ
ಜರುಗಲಿ ಸ್ನೇಹದ ಒಳಿತಲಿ ಎಲ್ಲರ ಕಾರ್ಯ
ಬೆಳೆಯಲಿ ವಿಶ್ವ ಬಾಂಧವ್ಯದ ಸಹಕಾರ…..
                                                      - ಸುನಿತಾ