ಮಳೆ

ಮಳೆಯ ಕಂಪು ಮನಸಿಗೆ ತಂಪು
ಎಲ್ಲೆಲ್ಲು ಆ  ಮಳೆಯ ಮಧುರ ಕಂಪು
ಮಳೆಯ ಹನಿಗೆ ಮಣ್ಣಿನ ಸುಮಧುರ ಸುಗಂಧ
ಇದಸಿರಿಗೆ ಬೆಳೆಯುವುದು ಮನಗಳ ನಡುವೆ ಬಂಧ

ಗುಡುಗಿನ ಸದ್ದಿಗೆ ಮನಸಿನ ಪಿಸುಮಾತು
ಹಾಡುತಿದೆ ಮನದಲಿ ಹಕ್ಕಿಯೊಂದು ಕೂತು
ಮಿಂಚಿನ ಸಿಂಚನಕೆ ಮೊಗದೊಳಗೊಂದು ನಗು
ಮರೆಸುತಿರೆ ಆಳದಲಿ ಬೀಡುಬಿಟ್ಟ ಬೀಗು

ಮಣ್ಣಿನ ಕಂಪನಕೆ ಧರೆಯಲಿ ಹೊಸಜೀವದ ಹುಟ್ಟು
ಪರಿಸರದ ನಿಯಮಗಳು ತಿಳಿಯಲಾಗದ ಗುಟ್ಟು
ತಣಿಯುತಿದೆ ಭುವನ ಕುಣಿಯುತಿರೆ ಮನನ
ಮಳೆಸಿರಿಗೆ ವಸುಂಧರೆಯ ನಿತ್ಯ ದಿನನ-ತನನ
•                                                          - ಸುನಿತಾ