ಒಂಟಿದಾರಿ

ಒಂಟಿದಾರಿಯ ನಡುವೆ ನಡೆಯುತಿರುವೆ ನಾ ಒಂಟಿ
ದಾರಿಯ ತು0ಬೆಲ್ಲ ಬೀಡುಬಿಟ್ಟಿವೆ ಮುಳ್ಳು-ಕಟಿ
ಸೋಲುತಿದೆ ಈ ಜೀವ ಅನುಭವಿಸಿ ಜೀವಭಯ
ಆಲಂಗಿಸಿ ಹೇಳುವವರಿಲ್ಲ ಅಭಯ………
ಬಾಳಬುತ್ತಿಯ ಹೊತ್ತು ಸಾಗುತಿರೆ ನಾ ಅಂಧೆ
ಅ0ಧಕಾರದಲಿ ಮುಳುಗಿ ಹುಡುಕುತಿರುವೆ ಬೆಳಕಿನ ಗಂಧ
ಬಿರುಗಾಳಿಯ ಆರ್ಭಟಕೆ ಸಿಕ್ಕಿ ಆಗುತಿರುವೆ ನಾ ಚೂರು
ಚೂರಿನ ಜೀವಕಣದಲೂ ಆಕ್ರಂದನದ ಕರಾರು……..
ಒ0ಟಿದಾರಿಯ ಜೋತೆ ನಾನಡೆದೆ ದು:ಖ ಮೀರಿ
ಮುಂದೊಂದು ನೆಮ್ಮದಿಯ ಆಶ್ರಯ ಕೋರಿ
ಕೋರಿಕೆ ಈಡೇರಿ ದೊರೆಯಿತೆನಗೊಂದು ನಿಲಯ
ನಿಲಯದ ತುಂಬ ನಮ್ಮಂತ ನಿರಾಶ್ರಿತರ ವಲಯ…....
ವಲಯದ ಒಡನಾಟ ನೀಡಿತೆನಗೆ ಗಟ್ಟಿಸ್ನೇಹ
ತುಂಬು ಹೃದಯದಿ ಜೀವಿಸುವೆ ತಿಳಿದು ಈ ನೇಹ
ಭಾವದಲೆಯಲಿ ತೇಲಿ ನೆನೆಯುತಿರುವೆ ಒಂಟಿದಾರಿ
ಅನುಭವ ಪುಟದಲಿ ನೆನಪಿನ ಬಣ್ಣ ಸೋರಿ……     
                                                                    - ಸುನಿತಾ