ಸೂರ್ಯ

ಜಗವ ಬೆಳಗುವ ಜ್ಯೋತಿ ನೀನು
ಮನಕೆ ಶಾಂತಿಯ ಬೇಗ ನೀಡು
ತನು-ಮನದಲಿ ತುಂಬಿದೆ ನಿನ್ನ ನಾನು
ಮನದ ಕಲ್ಮಶವ ದೂರ ಮಾಡು
ಭೂಮಿಗೆ ಜೀವನ ಆ ಸೂರ್ಯನ ಕಿರಣ
ಮನುಷ್ಯನ ಬಾಳಿಗೆ ನೀನೆ ಜೀವ
ಜಪಿಸುವೆ ನಿನ್ನ, ಬರುವವರೆಗೂ ಮರಣ
ನಿನ್ನ ಭಕ್ತಿಯಲಿ ಮರೆಯುವೆ ನೋವ
ಕತ್ತಲೆಯ ಜೀವನದಲಿ ನೀ ತರು ಬೆಳಕು
ಇದರಿಂದ ನಾಶವಾಗಲಿ ಮನದ ಅಂಧಕಾರ
ಮೂಡಿಬರಲಿ ನವನವೀನತೆಯ ಮುಸುಕು
ನಿನ್ನ ನಾಮಕೆ ಸದಾ ನನ್ನ ಝೇಂಕಾರ
ಸಿಧ್ದಿ-ಬುಧ್ದಿಯ ನೀಡಿ ಹರಸು ನಮ್ಮನು
ನಮ್ಮ ಅಂತರಾತ್ಮದಲಿ ಸದಾ ನೆಲೆಸು
ನಿನ್ನ ಕೃಪೆಯಿಲ್ಲದೆ ಯಾವ ಕೆಲಸ ಮಾಡೆನು
ಪ್ರತಿ ಹೆಜ್ಜೆಯಲು ಜೊತೆಯಾಗಿ ನಡೆಸು                         
                                                         -   ಸುನಿತಾ.